“Veliaj shkeli ligjin”/ Zhupa: Merr informacion të paligjshëm dhe e përdor për propagandë

“Veliaj ka marr në një informacion të kategorizuar në menyrë të paligjshme edhe pa u legjitimuar nga asnjë interes publik.”

Kështu deklaron zëdhënësja e PD-së, Ina Zhupa në lidhje me statusin e veliajt për numrin e sakt të makinave të shtrenjta në Tiranë, i cili iu kërkoi pronarëve të tyre t’i shesin për të mbijetur në këtë situtë të vështirë që po kalojnë për shkak të izolimit nga pandemia COVID-19.

Sipas saj, numrin e automjeteve të ndara sipas kategorive, pronësinë dhe të dhena të tjera sensitive janë një informacion zyrtar që nuk mund të administrohet drejtpërdrejt nga bashkia Tiranë, pasi këtë të drejtë e ka vetëm Drejtoria e Shërbimit të Transportit Rrugor dhe Policia e Shtetit.

“Mesa duket mund të ketë funksionuar një lidhje e shkurtër me mikun e tij të vjetër Blendi Gonxhe që Veliaj të bëj si “shpëtimtari” i ekonomisë.” -shkruan Zhupa.

Postimi i plotë:

Veliaj shkel ligjin, merr informacion të paligjshëm mbi të dhënat personale dhe i përdor ato për propagandë!

Zgjidhja që i jep problemeve ekonomike, është si mandati i tij në Bashkinë e Tiranës- e pabazuar në realitet dhe jo efikase për qytetarët edhe ekonominë. Nuk zgjidhet kriza që po kalon ekonomia duke numëruar makinat, që shumica nuk janë as të biznesmenëve të ndershëm.

Numrin e automjeteve të ndarë sipas kategorive, llojin e tyre, pronësinë dhe të dhena të tjera sensitive janë një informacion zyrtar që nuk mund të administrohet drejtpërdrejt nga Bashkia Tiranë dhe as të aksesohet pa një kërkesë të motivuar. Këtë të drejtë e kanë vetëm organe të tjera siç ëshë Drejtoria e Shërbimit të Transportit Rrugor dhe Policia e Shtetit .