Marrëdhëniet mes Federatës Spanjolle të Futbollit dhe klubit të Valencias nuk janë aspak të mira.
Përplasjet kanë filluar vitin e kaluar, atëherë kur presidenti Luis Rubiales, vendosi që Superkupa e Spanjës, të luhej mes katër skuadrave të para në renditje dhe jo midis kampionit të La Ligës , Barcelonës, dhe kampionit të Copa del Rey, Valencias formati ky i zakontë në Spanjë.
Pra në këtë kompeticion u ftuan dy skuadra që nuk duhet të merrnin pjesë fare, si Real Madrid (që në fund fitoi trofeun) dhe Atletico Madrid.
Problemi i radhës i Valencias me Federatën, është se kjo e fundit në rast se La Liga nuk do të rinisë, do t’i çonte UEFA-s ekipet pjesëmarrëse në Kupat e Europës sipas renditjes aktuale.
Valencia ndodhet në vend të shtatë në renditje dhe vendi i fundit për në Europa League do të shkonte për Athletic Bilbao, finalist i Kupës së Mbretit (kundër Sociedad, aktualisht në vend të katërt pra në Champions).
Edhe La Liga, për kronikë, është kundër propozimit të Federatës që duhet thënë është i vetmi organ që UEFA dëgjon ose më saktë referenca në Spanjë, sa i përket vendimeve për Kupat e Europës.
