UEFA ka hartuar një kalendar dhe ka propozuar të shtunën e 29 gushtit si datën ideale për t’u zhvilluar finalja e Ligës së Kampioneve. Të gjithë aktorët qeverisës në botën e futbollit këmbëngulin se ky kompeticion duhet të përfundojë me finalen që do të luhet ashtu siç është në program në stadiumin “Ataturk” të Stambollit.
Megjithatë deri më tani shumë gjëra janë të paqarta me mënyrën se si do të përfundojë ky edicion i Champions League, pasi turneu akoma nuk ka përfunduar fazën e 1/16-ve. Në plan është që në vazhdimësi të luhen vetëm nga një ndeshje duke eliminuar sistemin vajtje-ardhje por që gjithsesi asgjë nuk është vendosur akoma.
Ideja e UEFA-s është që kompeticionet europiane të nisin në fund të korrikut ose në fillim të gushtit, për të përfunduar përpara muajit shtator. Në të njëjtën mënyrë si me Championsin do të veprohet edhe me Europa Leaguen.
