Andres Iniesta së bashku me Messin, Xavin, Busquets, Pyol kanë dalë nga akademia e “La Masia” duke krijuar kështu një brez lojtarësh nga më të mirët në historinë e futbollit. Me këtë grup lojtarësh Barcelona ka fituar gjithçka dhe ajo që është më e rëndësishme është loja inovative dhe spektakolare me të cilën arritën të fitonin trofe.
Disa nga ata futbollistë i kanë varur këpucët në gozhdë e shumë të tjerë janë në fundin e karrierës. Sidoqoftë, Barcelona shpreson të prodhojë një gjeneratë të re talentesh në vitet në vazhdim, por Iniesta është i bindur se ata nuk do të jenë në gjendje të riprodhojnë të njëjtin sukses, që patën dy dekada më parë.
“Nuk përsëritet më ai brez. Kurrë nuk do të jetë njësoj, por nuk ka pse të jetë më keq. Mendoj se një lojtar në sistemin e të rinjve, që është cilësor, në një situatë apo në një tjetër do të shkojë në ekipin e parë. Edhe pse ishim shumë të rinj, shkuam në ekipin e parë dhe qëndruam atje për 10, 12, apo 15 vite, duke u bërë kapitenë. Ne u formuam të gjithë aty, si futbollistë dhe njerëz. Është e vështirë që diçka e tillë të përsëritet. Ne po flasim për Barcelonën, një klub me lojtarët më të mirë. Víctor, Puyol, Xavi, unë…; bashkë me Busin, Pique dhe Leon, jemi njerëz, që kemi qenë në atë klub tërë jetën tonë. Pra, kemi atë plus, që të tjerët nuk e kanë”. – ka thënë Iniesta për “The Guardian”.
