Nxitim për në spital me shpresë gjithnjë e në rënie dhe më pas lajmërimi i trishtë i mjekëve, Gladys Rodríguez Duarte, 50 vjeçe nga Coronel Oviedo, në Paraguai kishte ndërruar jetë.
Sipas mjekëve, ajo kishte ndërruar jetë prej kancerit në vezore. Lajmi shkatërroi familjen, e cila nuk e priste që diçka e tillë të ndodhte kaq shpejt.
Teksa familjarët nisën që ta qanin, gruaja ishte futur brenda një qeseje të zezë dhe po bëhej gati për funeralin.
Gladys ishte dërguar me urgjencë në klinikën e San Fernando mëngjesin e së shtunës, pasi kishte pasur një rritje tensioni, duke u shtruar në orën 09.30 nën kujdesin e doktor Heriberto Vera.
Por më pas në orën 11.20, të shoqit Maximino Duarte Ferreira dhe vajzës Sandra, iu komunikua lajmi se gruaja kishte vdekur.
Spitali i dorëzoi qesen me trupin e pajetë të gruas kompanisë funerale, por papritur punonjësit nisën që të shihnin lëvizje nga qesja. Kështu u bë hapja e qeses dhe gruaja ishte përmendur. Ajo u kthye me urgjencë në spital, ku gjendja e saj është e qëndrueshme, shkruan noa.al.
Vajza akuzon doktor Vera se nuk tentoi që të shpëtonte nënën e saj, duke thënë se “E dorëzoi të zhveshur si kafshë, bashkë me certifikatën e vdekjes. Nuk tentoi as që ta përmendte”. Lidhur me këtë ngjarje hetimet janë në vijim.
