Mësimi online në Universitete, shkollat e mesme dhe nëntëvjeçare është kthyer në kryefjalën e radhës të çdo dalje të ministres së arsimit, Besa Shahini. Por përkundër kësaj ka pasur pretendime nga nxënësit dhe studentët se nuk kanë mundësi të gjithë të zhvillojnë mësim oonlinë dhe kjo për shkaqe nga më të ndryshme. Lëvizja për Universitetin ka zhvilluar një sondazh ku kanë qenë të poërfshirë 1570 studentë.
Janë pyetur për mundësitë e zhvillimit të mësimit online, nëse e shohin të përshtatshëm, a kanë akses në internet , a kanë në shtëpi kompjuter apo laptop. Nga sondazhi rezulton se 60 % e studentëve nuk e konsiderojnë të përshtatshëm mësimdhënien online, 70 % e tyre e kryejnë mësimin përmes celularit dhe vetëm 24 % janë dakordësuar me këtë metodë.
Postimi i sondazhit
Javët e fundit pyetësorit të Lëvizjes Për Universitetin mbi mësimdhënien online i janë përgjigjur 1570 studentë.
Realiteti që tregojnë përgjigjet e tyre bie ndesh me pretendimet e Besa Shahinit se mësimdhënia online po shkon shkëlqyeshëm dhe se veç 2% e studentëve nuk kanë qasje në internet dhe teknologji.
Disa nga rezultatet më domethënëse janë:
- Rreth 60% e studentëve nuk e konsiderojnë të përshtatshëm mësimin online.
- Rreth 4% e studentëve nuk kanë akses në internet për të ndjekur mësimin online dhe rreth 45% e ndjekin me vështirësi.
- Rreth 70% e atyre që e ndjekin mësimin e bëjnë këtë përmes celularit.
- Vetëm 28% e studentëve i konsiderojnë të përshtatshme video-takimet sipas orarit mësimor.
- Vetëm 24% e studentëve janë dakordësuar me pedagogët për mënyrat e zhvillimit të mësimit.
- Përtej 50% të studentëve që ndjehen vetëm të stresuar, rreth 28% kanë vështirësi ekonomike dhe rreth 8% të tjerë duhet të kryejnë edhe punë paralelisht.
Për më tepër, ju ftojmë të lexoni të dhënat e plota dhe të shpërndani rezultatet e mëposhtme!
