Presidenti i Kukësit, Safet Gjici, së fundmi ka dhënë një intervistë për “FanZone” në Supersport. 47-vjeçari ka folur për tema të ndryshme, ku një ndër to ishin pagat te klubi i Kukësit si dhe për trajnerët.
Për sa i përket çështjes së pagave, Gjici ka deklaruar se gjithçka është në rregull në klub për sa i përket pagave ndërsa i pyetur nëse është i penduar për ndonjë trajner të shkarkuar, ai ka thënë se nuk ka pasur një rast të tillë.
Flitet se ka pasur vonesa në paga…
Nuk ka vonesa. Futbollistët kanë marrëveshje me klubin që dy muaj i kanë brenda (të bllokuar) për shkak të objektivit titull. Nuk ka vend për të diskutuar për vonesa të pagave te Kukësi.
A jeni penduar për ndonjë trajner të shkarkuar?
Për asnjë nuk jam penduar. Madje kur e kam larguar një trajner e kam arritur objektivin. U kam dhënë mundësinë trajnerëve të rinj, sepse nuk kemi trajnerë në qarkullim. Të huajt nuk përshtaten kollaj.
