Kalidou Koulibaly do të largohet nga Napoli këtë verë, dhe destinacioni i tij do të jetë Manchester United, Manchester City ose Paris Saint-Germain.
Lajmin e bujshëm e bën të ditur “La Republica”, që thekson se De Laurentiis është i gatshëm ta shesë yllin e tyre nëse një ofertë e përshtatshme gjendet në treg.
Koulibaly ka qenë pjesë e Napolit që nga viti 2014 dhe Aurelio De Laurentiis i ka rezistuar disa ofertave të mëdha për mbrojtësin ndër vite. Gazeta shpjegon që në mungesë të fondeve nga ndërprerja e futbollit, Napoli, nuk është në gjendje ta paguajë më rrogën e 28-vjeçarit pa rënduar financat e klubit, kështu që mund ta “sakrifikojnë” gjigantin e mbrojtjes.
