Loris Karius ka konfirmuar se ai ka marrë kërcënime me vdekje pas paraqitjes së tij në finale e Ligës së Kampioneve kundër Real Madrid, dy vite më parë. Gjermani gjithashtu shprehet i penduar që nuk iu përgjigj më fuqishëm, kritikave të shumta që ai pati .
26-vjeçari ishte përgjegjës për dy gabime të pafalshme në golat e Benzema-s dhe Gareth Bale. Gabime ato që ndoshta i hoqën Liverpooli-t mundësinë e fitimit të trofeut më të lakmuar në Europë.
Së fundmi i pyetur nëse ka marrë kërcënime pas finales, Karius është përgjigjur:
“Në rrjetet sociale ka pasur dashakeqësi dhe nëse do i lexonim të gjitha, duhej të rrinim gjithë natën pa fjetur. Është absurde ajo që shkruajnë njerëzit, fyerje dhe diskriminacione deri në kërcënime me vdekje. Por që gjithsesi nuk ma ha mendja që ka njerëz që guxojnë të hapin gojën e të thonë ato fjalë teksa kaloj në rrugë”.
“Reagimet ndaj atyre gabimeve ishin jashtë normave të lejuara dhe fyese, pendohem që nuk kam reaguar më ashpër në atë kohë”.
