Ish-futbollisti shqiptar, Ervin Skela pritet të marrë pozitën e trajnerit të ekipit U-17 të Enitracht Frankfurtit.
Gazeta gjermane “Wiesbadener” shkruan se ish-lojtari i Shqipërisë do ta drejtojë ekipin U-17 të klubit gjerman.
“Duhet dhe kam dëshirë të mësoj shumë”, ka thënë Skela.
Skela është pajisur me licencën e trajnerit në Shqipëri, e cila njihet si e vlefshme edhe në Gjermani. 43 vjeçari ka luajtur për tre vite me Eintracht Frankfurt. Ai e veshi fanellën e klubit gjerman 92 herë duke shënuar edhe 26 gola.
