Territori shqiptar ditën e sotme (e mërkurë, 15 prill) pritet të karakterizohet nga një mot kryesisht i kthjellët me reshje shiu të dobëta ose lokalisht të dobëta në orët e para të ditës.
Sipas MeteoAlb, pjesa e parë e ditës do të jetë me vranësira të cilat do të sjellin reshje të pakta kryesisht në zonat Lindore dhe Veriore. Por duke filluar në orët e mesditës kushtet e motit do të përmirësohen duke bërë që të kemi dominim të motit të kthjellët.
Temperaturat e ajrit do te ulen në mëngjes, por mbeten thuajse konstante në mesditë duke luhatur vlerat nga 0°C deri në 21°C-22°C.
Era do fryjë mesatare në tokë dhe e fortë në det me shpejtësi 60 km/h nga drejtimi Verilindor duke krijuar dallgëzimin 5 – 6 ballë.
