Ish-mbrojtës holandez, Jaap Stam, ka pohuar se skuadra e Lazios ka një shans real për të fituar Serinë A.
Në një intervistë për Gazzetta dello Sport, ish-lojtari i Lazios është mahnitur nga skuadra që ka ndërtuar Inzaghi, por sipas tij kjo nuk vjen si surprizë nga vetë fakti pasi skuadra ka punuar fort përgjatë disa viteve tashmë.
“Nuk më befason vendi i dytë i Lacios. Ata kanë punuar mirë për vite me radhë dhe tani mund të fitojnë Scudetton. Inzaghi, megjithatë, më ka bërë përshtypje. Të gjithë performojnë nën drejtimin e tij, në çdo pozicion. Ai është një takticien i zoti me një lojë të bukur dhe karakter. Nëse skuadra po bën mirë, arsyeja është ai”. – ka përfunduar 47 vjeçari.
Me skuadrën e Lazios, Stam ka luajtur për tre sezone, ndërsa ka fituar Kupën e Italisë në sezonin 2003-2004.
