“Kush punon në të zezë duhet të denoncojë pronarin, pasi për këtë do të ketë edhe shpërblim”.
Kështu u shpreh kryeministri Rama në dalje e sotme në Facebook, ku foli veçanërisht për paketën e zgjeruar financiare. “Punën në të zezë e kemi luftuar me të gjitha forcat dhe kemi nxjerrë nga një numër të madh, por asnjë vend nuk ka asnjë paketë ku ka ndonjë shumë për ata që punojnë në të zezë. Si identifikohet kush punon në të zezë? Është e pamundur. Informaliteti është një plagë që duhet të luftuar do ditë. Sot duhet të keni kurajën që të denonconi. Ne po bëjmë gati edhe një shpërblim financiar për ata që do të denoncojnë, që pronari nuk i ka regjistruar. Brenda 24 orëve do të kemi edhe këtë ofertë të re për këta që kanë punuar në të zezë dhe sot gjenden pa mbështetje. Ne do të ndjekim punën e tyre deri në fund, që pronari të njohë punën e tyre. Pronarët duhet të mbështesin këtë nismë, pasi në të kundërt do të përballen me ligjin”, u shpreh Rama.
