Kryeministri Edi Rama njoftoi se nga 20 prilli do të nisë derdhja e Lekëve të paketës së dytë ekonomike në llogaritë bankare të përfituesve.
Në një postim në FB, Rama shkruan:
“PAKETA E ZGJERUAR MBËSHTET ME NJË PAGESË DIREKTE 40.000 Lek (400USD) 176.000 MIJË FAMILJE
• 100 MIJË TË PUNËSUAR NË BIZNESET E VOGLA, TË CILAT JANË GODITUR NË XHIRON E TYRE GJATË JAVËVE TË KUFIZIMIT TË LËVIZJEVE
• 66 MIJË PUNONJËS NË BIZNESET E MËDHA QË JANË GODITUR GJATË KËTYRE JAVËVE NË VENDET E TYRE TË PUNËS
• 10 MIJË TË PUNËSUAR NË SEKTORIN E TURIZMIT
NGA DATA 20 PRILL SHUMA 40.000 Lek DO TË FILLOJË TË DERDHET NË LLOGARITË E TË GJITHË KETYRE INDIVIDËVE DHE BRENDA MUAJIT TË 176 MIJË FAMILJET PËRKATËSE DO TA KENË MARRË ATË.
Me konsolodimin e ecurisë së derisotme të luftës, vlerësohet se një pjesë e konsiderueshme e këtyre punonjësve do të mund të rikthehen në punë brenda majit”.
Një ditë më parë, kreu i qeverisë njoftoi dhe paketën e dytë ekonomike për ti ardhur në ndihmë personave që janë prekur ekonomikisht nga masat shtrënguese të marra me qëllim parandalimin e përhapjes së koronavirusit të ri.
