Nëse doni të largoni stresin e izolimit nga koronavirusi duke konsumuar lëndë narkotike të tipit kanabis, mjekët paralajmërojnë që ta mendoni dy herë.
Tymosja e drogës, edhe në sasi të vogël, mund të rrisë rrezikun për të shfaqur shenja të Covid-19. Kujtojmë se ekspertët e shëndetit thonë se pjesa më e madhe e të infektuarve e kalojnë sëmundjen pa simptoma.
Mjekët thonë se droga shkakton inflamacion në mushkëri dhe ul mundësinë për të luftuar koronavirusin. Ekspertët e Amerikan Lung Association (ALA) kanë ngritur alarmin pasi njerëzit vijojnë të blejnë dhe konsumojnë lëndë narkotike gjatë izolimit.
Mjeku pulmolog Alberto Rizzo foli për prestigjiozen amerikane CNN duke thënë: “Ajo që ndodh në rrugët tuaja të frymëmarrjes kur tymosni kanabis shkakton të njëjtën gradë inflamacioni shumë të ngjashëm me bronkitin, e ngjashme me tipin e inflamacionit që shkakton konsumimi i cigares. Kështu keni rrugë frymëmarrje të inflamuara me mbivendosje infeksionit. Kështu që po, mundësia për më shumë komplikacione është aty”.
Përveç kësaj, pulmologu Mitchell Glass thotë se nëse konsumoni kanabis, do jetë më e vështirë për mjekët që të diagnostikojnjë shenjat e koronavirusit.
“Covid-19 është një sëmundje pulmonare. Dëshironi të keni një konfuzion nëse ju duhet që të shkoni tek një mjek apo punonjës shëndetit duke thënë, ‘Oh, meqë ra fjala, nuk jam përdorues i rregullt i kanabisit, por vendosa ta përdor në mënyrë që të qetësoj veten.’ Ju nuk doni të bëni asgjë që konfuzon aftësinë e punonjësit të shëndetit për të bërë një vlerësim të shpejtë dhe të saktë të asaj çfarë po ndodh me ju”, tha Glass
