Instituti i Shëndetit Publik këshillon të gjithë qytetarët që të vendosin maska në ambientet publike.
Në një informacion në Facebook, ISHP thotë se virusi që shkakton COVID-19 përhapet nga një person tek tjetri para se të shfaqen simptomat e sëmundjes.
“Kështu që për të zvogëluar përhapjen e virusit vendosni maska në ambiente publike, mbani të paktën 1 metër distancë dhe lani shpesh duart. Sigurohuni që të mbuloni mirë me maskë fytyrën nga sipër hundës deri poshtë mjekrës. Maska juaj mbron të tjerët, maska e të tjerëve ju mbron ju”.
