Sipas të dhënave të universitetit amerikan Johns Hopkins, numri i përgjithshëm i rasteve të konfirmuara me koronavirusin e ri (COVID-19) ka tejkaluar 1,9 milionë persona.
Të dhënat e universitetit amerikan tregojnë se numri i përgjithshëm i të vdekurve ka arritur në 118 459, ndërsa numri i të shëruarve në 446 002.
Ndërkohë që numri i përgjithshëm i rasteve të konfirmuara në botë ka arritur në 1 904 566, SHBA-ja ka numrin më të madh të të infektuarve me mbi 572 000.
Në SHBA është regjistruar edhe numri më i madh i të vdekurve me mbi 23 000, duke u bërë epiqendra e COVID-19.
Italia ka numrin e dytë më të lartë të të vdekurve me 20 465, ndërsa Spanja është e dyta për nga numri i rasteve të konfirmuara, me gjithsej 169 496 të infektuar.
Kina, që është vendi ku filloi virusi, ka raportuar për gjithsej 3.345 raste të vdekjeve dhe mbi 83 200 raste të konfirmuara, por këto të dhëna vihen në pikëpyetje si brenda, ashtu edhe jashtë Kinës.
Së fundmi, të dhënat e universitetit Johns Hopkins thonë se numri i vdekjeve ditore në Kinë mbetet njëshifror, ndërsa Kina ka regjistruar gjithashtu numrin më të madh të të shëruarve nga epidemia me mbi 78 000 persona.
