Agron Duka, kreu i Partisë Agrare Ambientaliste ka humbur personin e tij të dashur, nënën. Vetë politikani e bëri publik lajmin trishtues duke i dedikuar fjalë prekëse nënës së ndjerë, për të cilën thotë se ka qenë drita e shtëpisë dhe drita e dijes e shumë nxënësve përgjatë karrierës së saj si mësuese.
“Me hidhërim të thellë njoftoj ndarjen nga jeta, të nënës sonë Vajdie Duka, në moshën 81 vjeçare e cila la qenë drita e shtëpisë tonë dhe drita e dijes e shumë nxënësve përgjatë karierës së saj si mësuese. Një humbje e madhe që lehtësohet vetëm nga dashuria me të cilën ka mbushur përherë zemrat tona dhe gjithë të afërmëve të saj”, shkroi Duka.
Për shkak të pandemisë së koronavirusit, i ka njoftuar miqtë se kanë vendosur të heqin dorë nga zakonet e përcjelljes për në banesën e fundit:
“Të dashur miq, koha e pazakontë në të cilën jetojmë na detyron të heqim dorë nga zakonet e moçme falë të cilave kemi qenë afër njëri-tjetrit edhe në hidhërime, prandaj të gjitha ritet do t’i zhvillojmë pas kalimit të kësaj situate.”
Këto rite do të zhvillohen në përfundim të situatës, thotë Duka. Ndërkohë i falënderon të gjithë për mesazhet ngushëlluese.
