Një konflikt për motive të dobëta është regjistruar në Durrës mes tre personave, ku dy prej tyre kanë mbetur të plagosur lehtë.
Ngjarja ka ndodhur në sektorin Rinia.
Uniformat blu kanë ndërhyrë duke parandaluar përshkallëzimin e konfliktit dhe prangosur njërin prej tyre, i cili kishte përdorur një mjet prerës duke dëmtuar dy të tjerët.
Personi që u vu në pranga është shtetasi E. H., 27 vjeç, banues në Durrës.
“Ky shtetas, pas një konflikti për motive të dobëta ka goditur me thikë dy vëllezërit A. N., 26 vjeç dhe T. N., 30 vjeç, banues në Durrës, pa probleme për jetën.” – thuhet në njoftimin e policisë
Gjithashtu, shërbimet e Policisë ndëshkuan me masë administrative 10.000 lekë, të dy vëllezërit që kishin shkelur orarin e karantinës.
Materialet i kaluan Prokurorisë së Rrethit Gjyqësor Durrës, për veprat penale “Plagosja e rëndë me dashje”, “Plagosja e lehtë me dashje” dhe “Mbajtja pa leje e armëve të ftohta”.
