Hector Moreno, përpara se të bashkohej me skuadrën e Romës në vitin 2017, ka luajtur me skuadra të tilla si PSV Eindhoven, Espanyol dhe Az Alkmaar.
Gjithsesi edhe pse me një të shkuar me kaq shumë eksperiencë, ai ka bërë një deklaratë interesante, teksa ka deklaruar se kur mbërriti në Itali, kuptoi se nuk e dinte artin e mbrojtjes.
“Kur iu bashkova Romës, kuptova se nuk dija të mbroja. Sistemi atje ishte komplet ndryshe. Gjatë 7 muajve që qëndrova mësova shumë. Më shpjegonin gjëra në stërvitje për të cilat unë habitesha që nuk i dija më parë, gjatë 10 viteve karrierë me klube të ndryshme”. – ka thënë 32-vjeçari për “Multimedio Deportes”.
Aventura e meksikanit te skuadra kryeqytetase rezultoi një dështim, ku pas vetëm 7 muajsh ai u largua në drejtim të Real Sociedad.
