Shtohet me 13 raste të reja numri i pacientëve të prekur nga koronavirusi në 24 orët e fundit, duke e çuar në 446 numrin total nga momenti që ka shpërthyer epidemia në Shqipëri.
Testeve në 24 orët e fundit i janë nënshtruar 233 të dyshuar.
Ministria e Shëndetësisë bëri të ditur se gjithashtu në 24 orët e fundit janë shëruar 20 pacientë, duke e çuar numrin e të shëruarve në total në 217 persona.
Sipas të dhënave zyrtare, në Spitalin Infektiv ndodhen të shtruar 41 pacientë, nga të cilët 6 ndodhen në terapi intensive, dy të intubuar.
Rastet e reja janë zbuluar në Tiranë 6 pacientë, Durrës 2 pacientë dhe Shkodër 5 pacientë.
