International Champion Cup, është një turne miqësor që zhvillohet përpara fillimit te sezonit. Fillesën ky turne e pati në Shtetet e Bashkuara të Amerikës por tanimë shtrihet edhe në Kinë e Australi.
Në këtë turne marrin pjesë ekipet më të mëdha evropiane, ndërsa gjithmonë është gjeneruar një sasi e jashtëzakonshme parash.
Aktualisht nga kriza globale e shkaktuar nga COVID-19, organizatorët e International Champion Cup janë të detyruar të anulojnë turneun e kësaj vere. Një nga sfidat me pritshmëri më të lartë ishte “El Clasico” (Barcelona-Real Madridit), që ishte programuar të zhvillohej në Las Vegas e që do të gjeneronte të ardhura të konsiderueshme për të dyja skuadrat.
Anulimi i kësaj supersfide, e dyta që do të luhej në Shtetet e Bashkuara (pas asaj të zhvIlluar më 29 korrik 2017, në Miami), u ka hequr mundësinë dy gjigantëve spanjollë që të futnin në xhep nga 9 milionë euro. Kjo është shifra që u përfitua edhe në “El Clasicon” e para tre viteve në Amerikë.
