Ne parashikojmë krizën më të keqe ekonomike që nga koha e Depresionit të Madh. Drejtorja e Fondit Monetar Ndërkombëtar, Kristalina Georgieva, nuk u përpoq ta ëmbëlsonte pilulën, gjatë bisedës hapëse të Takimeve të Pranverës, të cilat për shkak të koronavirusit po mbahen në formë virtuale. Georgieva paralajmëroi se “rritja globale në vitin 2020 pritet të jetë shumë negative.
Vetëm tre muaj më parë, prisnim një rritje të të ardhurave për frymë në mbi 160 anëtarë: tani ne presim një ulje në 170 vende”, ka thënë shefja e FMN-së. Kriza kërcënon të jetë shumë më e vështirë në rajonet në zhvillimi, por ajo do të jetë e rëndë kudo. “Lajmi
inkurajuese është se të gjitha qeveritë janë mobilizuar, kanë ndërmarrë veprime fiskale për rreth 8 trilion dollarë”. FMN-ja ka caktuar 1 miliardë dollar të tjera duke parë rritjen e kërkesave për kredi. Georgieva parashikon një “rikuperim të pjesshëm në 2021”, nëse masat e marra për të frenuar pandeminë do të lejojë një rihapje graduale të aktivitetit ekonomik gjatë gjysmës së dytë të vitit. Për muajt në vijim ajo propozoi një plan me katër pika:
së pari, vazhdimin e kontrollit shëndetësor;
së dyti, mbrojtja e punonjësve dhe ndërmarrjeve të prekura me masat fiskale dhe financiare;
së treti, zvogëlimi i stresit në sistemin financiar;
Së katërti, planifikimi i rimëkëmbjen. /La Stampa
