Italia regjistroi 24 orët e fundit 570 jetë të humbura duke e çuar në 18.249 numrin e përgjithshëm që nga 21 shkurti kur u raportuan rastet e para të infektimit me koronavirus. Një ditë më parë u raportuan 610 të vdekur.
Këto 24 orë, u evidentuan edhe 3.951 të infektuar ndërsa një ditë më parë ishin 1.615, ndër shifrat më të ulëta të të prekurve të identifikuar.
Në total ka shkuar në 147.577 numri i të infektuarve, raporton noa.al duke cituar Departamentin e Mbrojtjes Civile në Itali që publikoi këto çaste të dhënat e përditësuara.
Sakaq ka arritur në 30.455 numri i të shëruarve. Vetëm sot raportohen 1.985 të shëruar, kurse një ditë më parë ishin 1.979 të shëruar.
