Kategoritë e punonjësve të futbollit që përfitojnë nga paketa financiare e ndihmës së FSHF

Komiteti Ekzekutiv i Federatës së Futbollit, vendosi të mbështesë futbollin shqiptar në një periudhë të pazakontë kur vendi ynë është paralizuar për shkak të virusit COVID-19.

Ky vendim iu përcoll profesionistëve të futbollit nga Presidenti Armand Duka, i cili theksoi se kjo masë përfshin periudhën 15 mars-15 prill, dhe në rast se ndalimi i të gjitha aktiviteteve do vijojë, paketa do të shtrihet edhe për periudhën 16 prill-15 maj.

Nga paketa mbështetëse e FSHF-së përfitojnë disa kategori. Konkretisht futbollistët e Kategorisë Superiore dhe stafet, pra çdo punonjës i siguruar i tyre; të gjithë ata punonjës të futbollit që nuk kanë të ardhura të tjetra marrin pagesën e plotë 30 mijë lekësh të rinj; anëtarë të stafeve të klubeve të cilët janë të angazhuar part-time, përfitojnë gjysmën e pagesës; të gjithë trajnerat e moshave që nuk janë në një punë tjetër marrin pagesën e plotë; trajnerët e moshave që janë të punësuar në punë tjetër përfitojnë gjysmën e pagesës; të gjithë arbitrat që nuk janë në një punë tjetër do të marrin pagesën e plotë, si dhe klubet që varen nga bashkitë nuk përfitojnë nga kjo pagesë.

LEXO EDHE  Durrës/ Apartamenti përfshihet nga flakët, humb jetën e moshuara