Video/ “Guri, letra dhe gërshëra…” David Luiz sfidon veten e tij dhe përsëri humbet!

Futbollistët anembanë botës, me anë të disa videove kreative, po shpikin mënyra të ndryshme për t’u argëtuar gjatë pandemisë së koronavirusit.

Të njëjtën gjë ka bërë edhe mbrojtësi i Arsenalit, David Luiz. Lojtari brazilian vendosi të “sfidojë” veten me anë të një pasqyre në lojën e famshme “guri, letra dhe gërshëra”.

Në një video të edituar me mjeshtëri, pas tre tentativave të para ku të “dy” Luiz-at prodhuan të njëjtin rezultat, reflektimi i 32-vjeçarit arrin më në fund të fitojë lojën.

LEXO EDHE  Schalke 04-Werder Bremen, publikohen formacionet zyrtare

“Cilido qoftë humbësi pastron shtëpinë”- ka shkruar David Luiz bashkangjitur videos.

Një gjetje e goditur kjo e ish-yllit të Chelsea, ndërkohë që video është kthyer virale në rrjetet sociale.