Ronaldo, ish ylli brazilian i futbollit, kaloi një pjesë të mërkurës së tij duke biseduar në rrjetet sociale me ish-shokët e tij të Real Madrid, duke përfshirë pronarin e Inter Miami dhe ish-yllin e LA Galaxy David Beckham.
Në një bisedë që zgjati disa minuta, Ronaldo dhe Beckham diskutuan shumëçka, ndërsa më interesantja ishte biseda e dy miqve për kohën që kanë kaluar së bashku te Real Madrid. Në një moment të bisedës, fenomeni i thur elozhe Beckhamit duke i thënë: “kam biseduar edhe me Roberto Carlos dikur dhe mund të them se nëse do të kishte një futbollist që do të doja te Brazili ku luaja unë, do të kishe qenë ti”.
Beckham: “Nuk të besoj! Sepse futbollistët brazilianë janë më të mirët në qarkullim”.
Por, “Fenomeni” rrit dozën e elozheve duke i thënë se “David, t’i je një nga mesfushorët më të mirë të të gjitha kohërave. Mënyra se si prekje topin, e dërgoje ku të doje ti. Ndërsa unë prisja krosimet e tyre pa të thënë asgjë, pasi e dije vetë. Të falënderoj për të gjitha pasimet për gol që më ke dhënë”.
