Lajme të mira vijnë nga spitali Rajonal i Lezhës.
Përmes një njoftimi në rrjetet sociale bëhet me dije se janë shëruar tre pacientë me COVID-19, mes tyre kryeinfermierja dhe sanitarja e spitalit.
Ndërkohë që informohen qytetarët se nuk ka asnjë rast të ri me koronavirus në Lezhë.
Postimi i Spitalit Rajonal të Lezhës:
Lajm i mirë 🌟
✅ Testimet e ditëve të fundit konfirmojnë shërimin e 3 rasteve të para të prekura nga COVID-19 në Lezhë. Mes tyre edhe infermierja dhe punonjësja e shërbimit mjedisor të spitalit tonë.
✅ Nuk konfirmohen raste të reja në testimet e realizuara.
❗️Duke falenderuar qytetarët për bashkëpunimin e deritanishëm, bëjmë thirrje të vazhdojmë të respektojmë me përpikmëri rekomandimet mjekësore si dhe zbatimin korrekt të masave të ndërmarra për distancimin social.
🔜 Me përgjegjësi dhe solidaritet së bashku drejt fitores!
