Ambasadorja e ShBA-së në Tiranë Yuri Kim ka zhvilluar një bisedë virtuale me kryebashkiaken në detyrë të Shkodrës Voltana Ademin.
Lajmin e ka bërë të ditur vetë ambasadorja amerikane përmes një postimi në Twitter.
Tema e diskutimit ka qenë ajo e koronavirusit pasi Shkodra është qyteti i dytë me më shumë të infektuar. Deri më tani qyteti në veri të Shqipërisë ka 49 raste me COVID-19, ku një prej tyre ka ndërruar jetë.
Kim shkruan se e ka falenderuar kryebashkiaken për të gjitha masat e marra për t’i mbajtur qytetarët e Shkodrës të sigurtë dhe të shëndetshëm.
“Kënaqësi që takova (virtualisht) Voltana Ademin. Ju falenderoj që keni marrë të gjitha masat për t’i mbajtur qytetarët e Shkodrës të sigurtë & të shëndetshëm. Pres t’ju vizitoj nga afër sa më shpejt të jetë e mundur, por për momentin, të gjithë le të #rrimeneshtepi.” | Ambasadorja Yuri Kim” shkruan Yuri Kim në Twitter.
