Ditën e djeshme Jose Mourinho organizoi një stërvitje me tre lojtarë të Tottenhamit, në një park në veri të Londrës.
Të pranishëm së bashku me Mourinhon ishin futbollistët, Davinson Sanchez, Ryan Sessegnon dhe Tanguy Ndombele. Për këtë lëvizje të pamenduar, Mourinho është kritikuar pasi ka thyer rregullat e karantimit. Së fundmi portugezi ka reaguar duke pranuar gabimin e bërë.
“Unë pranoj që veprimet e mia nuk ishin në përputhje me protokollin e qeverisë dhe ne duhet të kemi kontakte vetëm me anëtarët e familjes sonë”.
“Është thelbësore që të gjithë të luajmë rolin tonë dhe të ndjekim këshillat e qeverisë në mënyrë që të mbështesim heronjtë tanë në NHS dhe të shpëtojmë jetë”, – ka thënë Mourinho për “The Mirror”.
