Ashtu si te shumë klube të tjera evropiane edhe te Reali i Madridit po shqyrtohet mundësia e uljes së pagave. Por kundër një ideje të tillë është ylli i skuadrës Toni Kroos.
Deklarata e tij e fundit ka nxitur polemika në Spanjë, teksa ka deklaruar se ulja e pagave është një dhuratë e padobishme dhe është një donacion që i bëhet klubit, dhe është i mendimit se ato para duhen të shpenzohen aty ku çdo futbollist mendon se është e nevojshme.
“Mendoj se paga duhet të jepet e plotë dhe secili nga ne të bëjë atë që mendon me paratë që merr. Na kërkohet të ndihmojmë dhe ka shumë situata ku ndihma është e nevojshme. Ulja e pagës, për mendimin tim, është në dhuratë e padobishme, ose një donacion që i bëhet klubit.”
Kriza e klubeve?“Ka shumë klube që nuk kanë të ardhura të planifikuara. Do të varet edhe nga zgjatja e ndalesës së futbollit. Nëse kthehemi në fushë në maj, sigurisht që shoqëritë do t’i gjejnë zgjidhjet. Edhe diçka tjetër, nëse ndalesa do të zgjatë deri në dimër, mund ta imagjinoj se klubet do të jenë në vështirësi, dhe një pauzë kaq e gjatë do ta ndryshonte krejtësisht futbollin.” – ka thënë Kroos për podcastin SWR Sport.
