Nga Boldnews.al
Është pak të quhet turp, është edhe më pak të konsiderohet papërgjeshmëri institucionesh, është më shumë se dhimbje ajo që po ndodh me rreth 50 emigrantë shqiptarë që kanë mbetur në tokën neutrale të kufirit greko-shqiptar në Kakavijë. Prej pesë ditësh, kryesisht punëtorë sezonalë, mbetën jashtë nën acar në tokën e askujt dhe pse janë shtetas shqiptarë, të cilët pas mbylljes së kufirit për shkak të pandemisë së coronasvirusit, nuk pranohen nga pala greke, por paturpërsisht as nga autoritetet tona.
Këtu nuk vlen ligji, as urdhëresat në rrjetëet sociale të kryeministrit tonë, as daljet bajate dhe kërcënimet se është i zoti të izolojë vendin. Aty janë djem nënash, baballarë fëmijësh, bashkëshortë të përvuajtur që për të siguruar një kafshatë më shumë në përditshmëri morën rrugën e emigrimit për të punuar në vendin fqinj në Greqi.
Pas përhapjes së “flamës së re” COVID-19, u mor vendimi që të mbylleshin kufijtë, por ata qytetarë ndërkohë kishin mbërritur në kufi dhe pala greke me të drejtë u volosi pasaportat e daljes. Në pjesën tonë i ulën traun e madh dhe një grup i konsiderueshëm forcash policore nuk i lejojnë të kthehen në shtëpitë e tyre.
“Do të gjejmë një zgjidhje brenda pak orësh”-deklaroi Ministri i Diasporës Pandeli Majko, edhe pse ai nuk e dinte numrin e saktë të atyre njerëzve që kalojnë natën jashtë në të ftohtë prej pesë ditësh.
Orët kaluan, po kalojnë ditë dhe drama vetëm shtohet e shtohet. “Qytetarë të lënë në mes të rrugës, për ditë të tëra, pa ushqim, pa ujë dhe pa asnjë ndihmë, po rrezikojnë jetën, vetëm për shkak se Qeveria nuk ushtron përgjegjësinë e saj ligjore. Është e patolerueshme që Qeveria vijon me kokëfortësi injorimin e të drejtës së qytetarëve shqiptarë për të hyrë në atdheun e tyre. Ky është krim.”-u shpreh sekretari i Përgjithshëm i PD-së Gazmend Bardhi.
Përtej qëndrimeve politike ky është më shumë se krim. Është përçundnim dhe përbuzje për këtë shtresë në nevojë që nuk kthehen dot pas në Greqi pasi nuk i pranojnë, por as nuk mund të shkojnë në shtëpitë e tyre pasi policia jonë, me urdhër qeveritar nuk i lejon të kalojnë.
Nuk gjenden pesë automjete që ata 50 emigrantë pa fat dhe fatzinj për qeverinë që kanë të merren nga ajo tokë e askujt? Familjarët e tyre shprehin gatishmërinë që të shkojnë dhe ti marrin vete, duke i mbajtur në karantinë për 14 ditë sipas rregullave, por ai shpirtmadhi që po “shpëton njerëzinë” nga haluçinacionet e mijëra të vdekurve, nuk i pranon, duke dhënë urdhëresa nga kështjella në Surrel. Po tregon “forcën e shtetit” me 50 fatkeqë, disa prej tyre të sëmurë, me ushqime të mbaruara dhe që po marrin sëmundje duke fjetur jashtë në të ftohtë dhe pa asnjë masë higjenike.
Ngjajnë si ata mijëra emigrantë sirianë që Turqia i dëboi drejt kufirit grek dhe qëndruan aty per më shumë se dy javë në tokën neutrale, ku asnjëra palë nuk i pranonte. Madje nëse 50 emigrantët shqiptarë do të revotohën, ministry ynë e ka gati gazin lotsjellës për tua mbushur mushkërite e dëmtuara nga i ftohti me lëndë helmuese.
Drama vazhdon, po nëse një jetë humbet aty kush do mbajë përgjegjësi? Nuk mund të zkuzosh qytetarët për papërgjshmëri, por sot ata kërkojnë zgjidhje sa nuk është vonë. Gjithnjë gjenden zgjidhje, por është koha për “kredhje” dhe tredhje mendjeje nëpër rrjetet sociale të qeverisë sonë.
