KLGJ ka vendosur që seancat gjyqësore të pezullohen deri më 22 prill. Vendimi ka ardhur në kuadër të masave për mospërhapjen e koronavirusit.
Por, sipas vendimit të KLGJ, jo të gjitha seancat do të pezullohen. Nga vendimi bëjnë përjashtim seancat e masave të sigurisë, ato të afateve të paraburgimit, si dhe ato të lëshimit të urdhërave të mbrojtjes, për rastet e dhunës në familje.
Por edhe këto seanca do të jenë pa prezencën e publikut.
Kjo është hera e dytë nga 10 marsi i 2020, që KLGJ vendos të pezullojë seancat gjyqësore, për shkak të situatës së krijuar nga pandemia e Covid-19.
Fillimisht u vendos për pezullimin e seancave gjyqësore për dy javë, vendim që siç duket është lënë në fuqi edhe për dy javë të tjera.
