Një tjetër person raportohet se ka humbur jetën si pasojë e koronavirusit në Shqipëri. Bëhet fjalë për një pacient 90-vjeçar Personi që ka ndërruar jetë ishte shtruar në repartin Infektiv.
90-vjeçari ishte i prekur nga COVID-19, ndërsa vuante nga disa sëmundje bashkëshoqëruese (tromboemboli pulmonare, diabet mellitus, hipertension). Pacienti ndodhej i shtruar prej 5 ditësh në spitalin infektiv në gjendje të rëndë shëndetësore.
Sipas mjekëve që e kanë trajtuar gjatë gjithë kësaj kohe, shkaku i vdekjes së 90-vjeçarit është tronboembolia pulmonare, njoftoi Ministria e Shëndetësisë.
Deri më tani, në Shqipëri janë shënuar 22 viktima nga koronavirusi dhe 377 janë të infektuar.
