Spanjë, viktimat e Covid-19 çohen për djegie pas pesë minutash ceremoni, 5 të afërm lejohen

Pandemia e koronavirusit ka bërë kërdinë edhe në Spanjë ku deri më tani ka marrë qindra jetë njerëzish. Por, një nga momentet e tmerrshme është kryerja e funeraleve ku bëhet me shumë pak të afërm dhe brenda një kohe shumë të shkurtër.

Të gjitha ritet kryhen në varrezat e La Almudena në Madrid, ku viktimës i japin lamtumirën vetëm pesë të afërm.

Nga fillimi deri në fund, bekimet dhe lutjet zgjasin vetëm pesë minuta. Prifti At Edduar shpërndan ujë të shenjtë në arkivolin e mbyllur, i cili më pas ngarkohet në një karrocë dhe shkon për djegie.

LEXO EDHE  Autopsia private: George Floyd vdiq nga asfiksimi

Pasi arkivoli të jetë larguar, arrin një tjetër menjëherë, praktikisht një çdo çerek ore ku përsëri kryhen të njëjtat rituale. Ndërkohë disa persona funeralet e viktimës ua transmetojnë të afërmeve që nuk kishin mundësi të merrnin pjesë nëpërmjet celularit.

Deri më tani në Spanjë numri i viktimave ka shkuar në 13,169 ndërsa numri i të infektuarve nga covid-19 ka shkuar në 135,032./CNN/