Tensionohet situata në kufi me Greqinë. Dhjetëra qytetarë që duan të kthehen në familjet e tyre qëndrojnë me orë të gjatë në kufi, pasi nuk lejohen nga policia të futen në territor edhe pse policia greke i ka hapur portat që ata të kalojnë.
Janë punonjës sezonal të cilët kanë kaluar kufirin për të punuar në zona të ndryshme të Greqisë, por me përhapjen e pandemisë ata janë gjendur përballë një situate aspak të këndshme. Kryeministri Edi Rama mbylli kufijtë për të gjithë qytetarët që ndodhen jashtë dhe kërkojnë të futen në vend. Qytetarët kanë arritur të vijnë deri në kufirin me Shqipërinë me forcat e tyre, por duket se aty janë përballur me një situatë aspak të mirë.
Policia i ka bërë pritë dhe ata nuk janë lejuar të futen, kanë apeluar përmes mediave që të gjendet një zgjidhje, ndërsa kryeministri i vendit, ende nuk ka thënë asnjë fjalë pë rata që qëndrojnë me familjet, me fëmijë të vegjel në temperatura të ulëta dhe kushte aspak të mira.
Ndërkohë janë të ekspozuar ndaj koronavirusit. Të gjithë qytetarët shqiptarë që kanë qenë jashtë dhe futen në vend janë të detyruar të qëndrojnë në karantinë për 14 ditë. Por për të shkuar drejt familjes, atyre nuk u vihet asnjë mjet në dispozicion. Në videon që ka siguruar Bold News dëgjohen qytetarët të thonë se nuk mund të shkohet në Evropë në këtë mënyrë ndërsa kërkojnë zgjidhje të menjëhershme.
