Italia ka shënuar 525 viktima në 24 orët e fundit, ku për herë të parë shifrat kanë qenë shumë të ulëta krahasuar me ditët e shkuara.
Në total numri I viktimave ka shkuar në 15887. Vetëm 24 orët e fundit, testet e bëra në të gjithë Italinë nxorën 2.972 të infektuar të rinj. Në total ka shkuar në 128.948 numri i të infektuarve të evidentuar.
Këto 24 orë që kaluan, janë shëruar 819 njerëz duke e çuar në 21.815 numrin e përgjithshëm të qytetarëve që triumfuan mbi koronavirusin.
Në Lombardi, 24 orët e fundit u regjistruan 249 të vdekur dhe 1.337 të infektuar të rinj.
