Ministria e Shëndetësisë ka konfirmuar lajmin për infektimin me COVID-19, të mjekut të spitalit Infektiv në Tiranë Roland Xhaxho.
Ministria njofton se gjendja shëndetësore e mjekut është e stabilizuar dhe ai po trajtohet në shërbimin infektiv në QSUT
“Shtrohet në spitalin Infektiv dr. Roland Xhaxho, mjeku i njohur që u bë pjesë e ekipit të organizimit të shërbimit reanimator për situatën Covid19. Dr. Xhaxho është në gjendje të stabilizuar shëndetësore dhe po trajtohet në shërbimin infektiv në QSUT. Ministria e Shëndetësisë i uron shërim të shpejtë mjekut reanimator që po lufton me sëmundjen COVID19, në kujdesin e ekipit mjekësor të spitalit infektiv në QSUT”, thuhet në reagimin e ministrisë.