Akordi që skuadra e Barcelonës përmes kapitenëve arriti me drejtuesit për uljet e pagave në këtë kohë krize duket se nuk do të jetë i fundit.
14 milionë euro që lojtarët e ekipit të Barcelonës i “falën” skuadrës, duket se nuk janë të mjaftueshme, sepse presidenti Bartomeu ka thënë se në ekipin katalanas nuk ka asnjë të ardhur që prej 14 marsit.
Por zgjidhja e kësaj situate duket se do të krijojë sërish polemika mes palëve, sepse drejtuesit do të kërkojnë një tjetër ndihmë nga klubi, ku të gjithë duhet të bëjnë një sakrificë të madhe për të shmangur një kolaps të klubit.
Kujtojmë që pak ditë më parë, Juventusi, përfitoi nga shkurtimet e pagave të lojtarëve plot 90 milionë euro.
