Policia e Tiranës në bashkëpunim me Interpol Tirana kanë arrestuar një shtetas të shpallur në kërkim ndërkombëtar nga Interpol Roma, Itali
Personi i vënë në pranga është shtetasi Erjol Ceka, 31 vjeç, banues në Kamzë, Tiranë.
Autoritetet gjyqësore në Torino, Itali, me vendimin penal Nr. 997/2019 SIEP, datë 17.02.2020, e kanë dënuar këtë shtetas me 13 vjet, 3 muaj e 17 ditë burgim, për veprat penale “Vrasja e mbetur në tentativë”, “Armëmbajtje pa leje” dhe “Vjedhja”, parashikuar nga Kodi Penal italian.
Ky shtetas dyshohet se më datë 17 Janar 2011, në Asti, Itali, ka tentuar që të shtypë me makinë shtetasin italian S. S., duke i shkaktuar atij plagosje dhe fraktura.
Më datë 14 Dhjetor 2012, së bashku me një person tjetër, ka vjedhur para dhe sende me vlerë në një bar.
Gjithashtu, më datë 31 Janar 2015, në bashkëpunim me një person tjetër, ka plagosur rëndë me thikë shtetasin shqiptar A. G.
Materialet e arrestimit të përkohshëm, me qëllim ekstradimin e këtij shtetasi drejt Italisë, i kaluan Prokurorisë së Rrethit Gjyqësor Tiranë.