Premier League, ashtu si dhe kampionatet e tjera në mënyrë që sezoni të përfundojë sa më shpejt kanë planifikuar një program të ngjeshur ndeshjesh. Kaq ka mjaftuar për të alarmuar trajnerët dhe përgatitësit atletikë.
Edhe Kevin De Bruyne është skeptik në lidhje me këtë mundësi. Belgu ka bërë të ditur se rikthimi në fushë nuk duhet sforcuar dhe se duhen rreth 3-4 javë përgatitje përpara se ndeshjet zyrtare të fillojnë të luhen.
“Nuk ia kam idenë nëse dhe kur do të luajmë. Edhe në Angli duan të presin sa më gjatë të jetë e mundur, por si futbollist nuk është e lehtë”, ka thënë ylli i Manchester City-t për faqen ëëë.hln.be.
“Nuk jemi aktivë prej gjashtë javësh, normalisht është e nevojshme një përgatitje prej 3-4 javësh për të qenë në maksimumin e formës. Nëse kthehemi menjëherë në fushë, do ta shohim të gjithë veten në infermieri shumë shpejt. Nuk mund të jetë ky qëllimi”.
“Besoj se të pritet kaq shumë për të marrë një vendim mund të krijojë probleme për sezonin e ardhshëm. Do të më vinte keq ta mbyllnim sezonin kaq shpejt, por nëse mund të shmangen probleme për vitin e ardhshëm, duhet bërë”.
