Shumë kohë më parë, dy ikona të futbollit botëror u takuan për herë të parë dhe të vetme, në një ndeshje miqësore të organizuar nga Luis Figo. Ndeshja u zhvillua në Portugali përpara 25 mijë tifozëve dhe kishte për qëllim promovimin e fondacionit të Figos.
CR7 ishte vetëm 19-vjeç, i cili në atë kohë kishte vetëm perspektivën e një lojtari tepër të suksesshëm, ndërsa Ronaldo braziliani ishte konfirmuar si një fenomen i futbollit botëror.
“Fenomeni” ishte në të njëjtën skuadër Figon, ekip që u menaxhua nga Sër Bobi Robson. Braziliani ishte fitues i asaj ndeshjeje, duke shënuar dy herë në fitoren 2-1 të skuadrës së tij.
Fatkeqësisht pamjet në video janë të limituara, por ju mund të shikoni momentet kryesore të Cristiano Ronaldos.
