Kapiteni i Liverpool-it, Jordan Henderson, ka organizuar një takim me të gjithë kapitenët e Premier Ligës, për të mbledhur fonde që do të shkojnë në luftën ndaj coronavirusit.
Lajmin e bën të ditur “The Times” që më tej shpjegon se Henderson e ka kaluar këtë javë duke qenë në kontakt me kapitenët e klubeve të tjera të Premier Ligës, duke përcjellë kështu mesazhin te shokët e tyre të skuadrës.
Kjo iniciativë impresionuese e cila pritet të gjenerojë miliona paund në një kohë krize, thuhet se është pritur pozitivisht nga lojtarët e Premier League. Paratë do të shkojnë në llogari të Shërbimit Shëndetësor të Mbretërisë së Bashkuar (NHS).
