Një prej drejtueseve të një filiali të një banke të nivelit të dytë në Elbasan dhe dy vajzat e saj janë rastet e reja të infektuara me Covid 19 në këtë qytet.
Mësohet se 52-vjeçarja është transportuar mbrëmjen e së enjtes drejt spitalit Infektiv, pasi ajo vuan edhe nga diabeti, ndërsa vajzat 22 dhe 25 vjeç ndodhen në karantinë në banesën e tyre.
Ende nuk dihet se si janë infektuar 3 pacientët e rinj, ndërsa numri i të infektuarve në Elbasan ka shkuar në 8 persona.
Tre pacientët e rinj u zbuluan si pozitëve ndaj Covid 19, pas testeve të kryera. Bashkëshorti i 52 vjeçares ka reyultuar negative. Dyshimet janë që pacientet të jenë infektuar nga kontakte që kanë pasur në dy javët e fundit, ndërkohë që pritet t´I nënshtrohen testeve personat e kontaktit.
Burime bëjnë me dije se testeve do t´i nënshtrohen fillimisht punonjësit e filialit banker, ku ndodhen rreth 23 të punësuar, të cilëve u është kërkuar të vetëkarantinohen.
