Shifrat po bëhen gjithnjë e më dramatike, dhe bota po përjeton çdo ditë, ditë të zymta.
Koronavirusi ka prekur 203 vende dhe territore në të gjithë botën dhe 2 transportime ndërkombëtare (anija lundrimi Diamond Princess që ndodhet në Yokohama, Japoni dhe anijen e lundrimit MS Zaandam të Holandës).
Deri në momentin e raportimit të këtij lajmi regjistrohen 49160 viktima nga koronavirusi në të gjithë botën.
Shtetet me numrin më të lartë të të vdekurëve nga kjo pandemi janë Italia me 13155 viktima dhe pas saj vjen Spanja me 10003 të vdekur.
Më poshtë në renditjen për numrin e viktimave është SHBA me 5113, Franca me 4032, Kina me 3318, Irani me 3160, Britania e Madhe me 2921, Holanda me 1339 dhe Belgjika me 1011.
Shtete e sipërpërmendura janë vetëm ato që e kanë kaluar shifrën e 1 mijë viktima nga COVID-19, ndërkohë që dhe Gjermania është drej asaj rruge pasi deri më tani ka 962 të vdekur.
Numri i të shëruarve nga kjo pandemi është 203153, por ndërkohë 709030 pacientë janë të infektuar aktiv me COVID-19.
