Në një kohë kur Bota në izolim nga Covid-19, një lajm i mirë raportohet nga Kina, ku vaksina kundër koronavirusit ka nisur të testohet te njerëzit.
Në Wuhan, atje ku nisi edhe pandemia e Covid-19, ka nisur testimi për vaksinën te njerëzit, ndërsa rezultatet priten brenda 1 muaji.
Studiuesit kanë nisur të martën prova klinike të vaksinës , e cila u testua tek 108 persona. Këta persona që marrin pjesë në këtë studim kalojnë një periudhë karantine, ku raportojnë çdo detaj mbi gjendjen e tyre shëndetësore tek studiuesit shkencor.
Mediat raportojnë se do të duhet të paktën 1 muaj për të parë nëse do të jetë efektive kjo vaksinë apo jo.
Chen Wei, studiuesi që udhëhoqi kërkimet për vaksinën thekson se nëse funksionon, do t’i japim fund pandemisë.
“Nëse rezultatet fillestare tregojnë se vaksina është e sigurt dhe pandemia vazhdon të përhapet, përmes bashkëpunimit ndërkombëtar, ne do ta testojmë jashtë vendit përpara vjeshtës”, shprehen studiuesit.
