Kryeministri Edi Rama, këto ditë ka patur një ngarkesë të jashtëzakonshme, sepse përveçse po lufton me koronavirusin dhe po menaxhon shtet-rrethimin absolut në Shqipëri nga ERTV dhe rrjetet sociale, ka nisur të japë intervista për shumë media italiane.
Ditën e sotme, ai ka dhënë një intervistë për gazetën italiane “Panorama”.
Kryeministri ka shpjeguar në këtë intervistë, se ndihmën për Italinë, pra 30 mjekët që u dërguan për të luftuar koronavirusin në Breshia, Rama e ka bërë edhe në emër të Nënë Terezës dhe të gjyshes së tij katolike, Veronika.
“Besoj se gjyshja ime, ajo ishte një katolike e zellshme, që më fliste italisht që në vegjëli, që më thoshte se nga ana tjetër e detit janë të kaltrit tanë, do të jetë e kënaqur të shohë që nga parajsa se, më në fund, erdhi një çast që Shqipëria e saj të shihet nga Italia si një qiri”, ka thënë Rama.
