Ka shkura në 50 numri i viktimave nga koronavirusi në Greqi. Zëdhënësi i ministrisë greke të Shëndetësisë, Sotiris Tsiodras, konfirmoi se gjatë 24 orëve të fundit është shënuar vetëm 1 viktimë.
Ai informoi se janë konfirmuar 101 raste të reja me koronavirus këtë të mërkurë, duke e çuar numrin total të rasteve aktive në 1313.
Nga totali i viktimave, 38 janë burra dhe 12 janë gra. Mosha mesatareve e viktimave ishte 72-vjeç, ndërsa 94% e tyre kishin sëmundje të tjera shoqëruese.
99 pacientë ndodhen të intubuar, ndërsa gjashtë të tjerë janë shëruar plotësisht gjatë orëve të fundit.
Deri më tani, janë kryer mbi 17 mijë teste laboratorike.
Tsiodras foli edhe për çështjen e maskave, ku theksoi se ato nevojiten për personelin mjekësor, ndërsa shtoi se ka një mungesë të madhe në të gjithë botën.
Mbi 44 mijë persona kanë humbur jetën nga koronavirusi në të gjithë botën, ndërsa bmi 880 mijë të tjerë janë infektuar.
SHBA ka më shumë se 190 mijë raste me koronavirus, ndërsa Italia ka 105 mijë.
