Paulo Dybala ka folur gjatë për televizionin argjentinas, duke hedhur dritë mbi çështje të rëndësishme, siç është ulja e pagave të lojtarëve në Juventus dhe marrëdhënia e tij me Cristiano Ronaldon.
Dybala, në një bisedë me gazetarin argjentinas, Juan Pablo Varsky, ndërsa shërohet nga korona, mes të tjerash sqaroi, se si erdhën shkurtimet e pagave te Juventusi.
Ai tregoi se gjithçka filloi me Chiellinin. “Chiellini, i cili është kapiteni, foli me presidentin dhe më pas me ne. Ai më thirri dhe më tha që klubi po na kërkonte ndihmë sepse ata aktualisht nuk kanë asnjë fitim,” filloi Dybala.
Por kjo nuk ishte e vetmja gjë për të cilën ai foli. Ai gjithashtu foli për marrëdhëniet e tij me Cristiano Ronaldo, ylli i ekipit. “Duke folur personalisht, ai më ka befasuar,” deklaroi ai.
“Kur ai mbërriti te Juventus, ishte diçka madhështore sepse në Champions League, ne ishim eliminuar nga Real Madrid dhe gjatë ndeshjes kishte disa zënka ku Ronaldo ishte protagonist”. – zbuloi Dybala.
“Si person ai është një person fantastik dhe shumë i shoqërueshëm. Është shumë i qetë, brenda dhe jashtë dhomave të zhveshjes. Të jep përshtypjen e një mburraveci, por nuk ka lidhje me një tip të tillë. Një ditë i thashë që e urrenin në Argjentinë për këtë shkak dhe për mënyrën krenare që ec, ai nisi të qeshte me të madhe. ‘Po, e di, por jam mësuar tashmë me këto kritika’, u shpreh Cristiano”.
