Miti i rremë i Ramës me COVID-19, nuk krahasohemi as me Maqedoninë

Nga Boldnews.al

Shifrat flasin por edhe “vrasin” më shumë se çdo propaganmdë e lig, që gjezdis nëpër Shqipëri edhe më dendur se vetë virusi “COVID-19”. Të bombarduar me sukseset imagjinare të qeverisë, qytetarët nuk po marrin informacionin e vërtetë për situatën e rëndë që po kalon vendi ynë. Statistikat tregojnë të vërtetën, që sot dhemb për spektaklin e suksesit imagjinar që na bombardon shfaqja e vazhdueshme shtetërore.

Por vetëm pak ditë u mbulua e vërteta nga ana e qeverisë, pasi jemi futur në një periudhë mjaft të vështirë, ku dy javët në vijim sipas ekspertëve të mjekësisë pritet të paraqisen përballje të vështira.

Duke iu referuar shifrave zyrtare të Ministrisë së Shëndetësisë, deri më tani janë konfirmuar 243 raste të personave të prekur nga coronavirusi. Nga këta, fatkeqësisht 13 qytetarë kanë humbur jetën. Kjo nuk është për tu mburrur, përkundrazi, jemi në një situatë mjaft të rëndë dhe duhet të qajmë ato jetë të humbura dhe jo të duatrokasim shifrën imagjinare se mund të vdesin qindra apo mijëra sipas kryeministrit tonë.

Ne nuk krahasohemi dot as me Maqedoninë e Veriut, fqinjët tanë Juglindorë të cilët situatën me coronavirusin po e përballojnë shumëfish më mirë se Shqipëria. Po duke iu referuar shifrave zyrtare, në Maqedoninë e Veriut janë regjistruar deri ditën e djeshme 286 raste të konfirmuara dhe nga këta shtatë persona kanë humbur jetën.

LEXO EDHE  Mbyllja e kufijve kalb prodhimet e stinës në Zadrimë

Futemi në vendet me vdekshmëri të lartë dhe ky është një problem serioz që lidhet jo vetëm me funksionimin e dy spitaleve të kthyera në karantinë, atij Infektiv në QSUT dhe të Spitalit Shefqet Ndroqi, i njohur ndryshe edhe si Sanatoriumi, por me menaxhimin që po bëhet për kryerjen e testeve dhe masat që nuk po merren në kohë.

Duke iu kthyer vendeve të rajonit, në çdo shtet raporti i të prekurve dhe vdekshmëria është disa herë më mirë se në vendin tonë. Në Maqedoni kemi një shifër më të lartë të rasteve të konfirmuara, por edhe vdekshmëri gati dyfish më të ulët se Shqipëria. Edhe pse popullsia është më e ulët, duket se sistemi atje ka funksionuar së pari me evidentimin në kohë të rasteve me coronavirus dhe më pas trajtimi mjekësor dhe izolimi i përsonave që kanë pasur kontekte me të sëmurët.

Ndërsa kryeministri ynë po “vëtëshpallet hero”, duke u marrë vetëm me masat represive, të izolimit të shqiptarëve nëpër shtëpi dhe daljet me orar të kufizuar për të kryer nevojat jetike, kjo nuk mjafton aspak në këtë situatë, pasi gjurmueshmëria e rasteve me “COVID-19” është në nivele skandaloze, të cilat fatkeqësisht po përkthehen në shumë jetë të humbura dhe renditjen e Shqipërisë në hartën e rrezikut botëror të për qindjes me vdekshmëri të lartë.